Vincent被困十年實屬不幸 ,大家接唔接受呢個版本?

好多網友都會估真兇會係老婆阮喬(萬綺雯飾)、老婆嘅現任老公阿仁(黃德斌飾)、公司拍檔CK(張國強飾) 定係親生大佬韋逸隆(古明華飾),但佢地通通都唔係。幕後黑手竟然係馬慧琪(謝雪心飾)、康文瀚(于洋飾) 個老婆,Max(王浩信飾)個媽媽。

《致命復活 》播出以來口碑及收視都不俗,緊湊懸疑的劇情甚具話題性,觀眾們都紛紛猜測邊個係郭晉安被困山洞十年的幕後黑手!雖然各大社交平台都流傳着不同版本,不過日前有位網友言之鑿鑿收到TVB編劇朋友的獨家爆料,透露《致命復活》的真正結局,真係完全估佢唔到。以下內容可能實屬劇透,大家睇之前三思三思。

 十年悲慘歲月

《致命復活》一開始講述韋逸昇Vincent(郭晉安飾) 係一名企業醫生,與下屬Max(王浩信飾) 及Ivy(陳庭欣飾) 到越南公幹期間慘被綁架,之後更意外被困在荒島山洞足足十年!十年間Vincent過着野人般的生活,回到香港後患上創傷後遺症,不時回想起在山洞不見天日的日子,會出現幻覺及發惡夢。

十年過去,Vincent摰愛的老婆已改嫁、兒子視自己如陌生人,連公司也被拍檔吞併。其後佢發現當年的綁架事件原來唔係意外,而係有人在背後設局陷害!於是Vincent身邊人如老婆阮喬(萬綺雯飾)、老婆的現任老公阿仁(黃德斌飾)、公司拍檔CK(張國強飾) 及親兄韋逸隆(古明華飾) 通通都有可疑!

真兇竟然係佢?

 

而日前網友透露的獨家內幕,竟指出幕後黑手並唔係以上任何一個人,而係馬 · 慧 · 琪!馬慧琪係邊位?大家冇印象都唔出奇,因為呢個角色係康文瀚(于洋飾) 個老婆、即係Max個媽媽,即係謝雪心呀!

網友就話成件事是咁的,原來Max根本唔係馬慧琪親生,細仔Calvin(黃嘉樂飾) 先係唯一親生仔,而Max只係康文瀚當年同一個工人所生的私生子。該個工人係一名越南華僑,當年生咗王浩信後就被馬慧琪趕回越南。所以當初康文瀚到越南除了做生意,亦係為了與Max親生媽媽見面。

一切都是陰謀

 

回想當初Vincent、Max及Ivy 被綁架,背後其實係馬慧琪為了剷除Max而策劃,好讓親生仔Calvin可以繼承康家的一切。而碰巧Vincent為了解決拉鏈廠的勞資糾紛,得罪了有黑社會背景的工廠領袖莫鴻華(何俊軒飾) ,於是全世界都認為係莫鴻華為報仇而綁架眾人。

不過如果綁架一個普通人,綁匪又點會一開口就要求200萬美元贖金?差不多1500萬港元,一個普通人根本唔可能付得出,所以綁架目標從一開始已經係富二代Max!即係話,綁架Vincent及Ivy只是煙幕,讓人覺得就算最後Max被殺亦純屬意外,沒有人會懷疑到馬慧琪身上。

一切都是… 不幸?

不過事情並非咁順利,因為當日Vincent及Max齊齊逃走,Max最後成功逃去無蹤,反而捉返並非真正目標的Vincent。綁匪們本以為Max逃走就冇錢收,誰不知Vincent老婆阮喬真係帶住200萬美金去到越南贖人。

於是馬慧琪派人在越南搶走阮喬的錢,佢認為如果沒有贖金,綁匪一定會撕票;另一方面又命阿仁搵到班綁匪時一定要將對方殺清光,所以第一集時觀眾見到阿仁有如「Rambo」上身般闖入虎穴,遇人殺人,最後更將綁匪頭目(曾偉權飾) 一槍爆頭打死。

總的來說,馬慧琪一開始就打算將Vincent、Max及Ivy三人殺光,不過後來綁匪將佢困在荒島,而且碰上水龍捲遇溺身亡,所以先冇人接回佢同傻強(李嘉飾)。

《致命復活》嚴重劇透!真兇竟然係佢

来源:http://www.twgreatdaily.com

(0)

Comments

Leave a Reply

Your email address will not be published.


*